Kjeldsund ligg idyllisk mellom holmar og skjær på Sunnmøre. Med stort uteområde, staselege lokale og god mat er Kjeldsund perfekt stad for konfirmasjonsselskap, jubileumsfeiring eller minnesamver.
Alle våre selskapslokale har prosjektor og lerret, høgtalarar og trådlaust internett. I dei største lokala har vi mikrofon tilgjengelig – og ved behov kan dette riggast i mindre lokale også. Som leigetakar på Kjeldsund får du og dine gjestar fri tilgong til vårt store uteområde, alle våre uteaktivitetar og alt av utstyr som trengst til dette.
Selskap
Vi har flotte lokale som passar for ulike grupper. Vårt kjøkken lagar nydeleg selskapsmat, anten det er snakk om sosakjøt, svinesteik eller stort koldtbord. Vi lagar mat tilpassa allergiar og diettar, og har du konkrete ynskjer, har vi gode levarandørar som fiksar det meste. Kjeldsund har lang erfaring som vertskap for ulike selskap, så ikkje nøl med å ta kontakt for ein uforpliktande prat!
Potetball
På torsdagane serveres potetball på Kjeldsund vi starter i Januar og held det gåande til midten av Juni. Så tek ballen sommarferie til skulen byrjar i August. Ballen på Kjeldsund er laga etter god gamal oppskrift. Her er ikkje noko ballmjøl eller ferdigball. Kjøtet får vi frå vår eigen leverandør og det er krafta frå dette kjøtet, gode poteter og ikkje minst handlaget til dei på kjøkkenet som gjer ballen på Kjeldsund spesiell.
På buffèen finn du både rabbe, gulrot, potet, pølse, flesk, kjøt, sirup, surmjelk, søtmjelk, heimlaga saft, vatn, rømme og ikkje minst rikeleg med ball. Når du har ete deg mett og od har du og høve til å forsyne deg med husets karamellpudding og anna godt på dessertbordet. Om du ynskjer å ta med ballen heim så selger vi store og små porsjonar med ein eller to ballar + tilbehør.
Det er kjekt å kunne handheve tradisjonane og at så monge kjem og et det som truleg er Noregs beste ballbuffè.
Minnesamver
Det er fint å samlast etter ei gravferd, der er ein har tatt farvel med ein kjær person. Vi tilbyr intime og koselige lokale for slike minnesamver, med god middagsmat og påfylgjande kaffi. Minnesamver planleggast på kort tid – likevel har vi som oftast eit ledig lokale.
Minnesamværmenyen vår finn du her
