Allhelgenshelga, 30. oktober til 1. november, inviterer NMS til strikkehelg for alle som er glad i strikking og hekling, og som ønsker å vere sosial og ha tid til dei gode samtalane.
Laurdag kan du gjere gode kjøp frå fleire aktørar:
- «Studio Lun» presenterer litt av haustens nyhende og har med fleire gode tilbod.
- Elisabeth frå «Hettestrikk» er sjølv forhindra frå å vere med, men er representert med litt frå butikken sin. Her kan du knipe i eksklusiv, handfarga tråd og kanskje kjøpe med deg noko spanande heim?
- Cecilie frå «Bergfruas Lapper» har fleire fine ting, i tillegg til dei populære strikkemappene. All inntekt frå hennar sal går til NMS.
- Cecilie Leinebø Thomas lagar knappar, øyredobbar og smykker og har med litt av dette for salg.
Cecilie vil også dele litt frå sin kvardag i gravferdsbyrå, når vi laurdagskvelden har litt fokus på sorg i song og samtale.
Søndag formiddag vil ho snakke litt om misjonsarbeidet på Madagaskar. Ho vaks opp der, og i vaksen alder var ho tilbake og arbeidde nokre år i omsettingsprosjektet.
Informasjon om program, prisar og påmelding finn du HER, og du bestemmer sjølv om du vil ha einerom, dele rom eller sove heime.
Velkomen til ei fin hausthelg på Kjeldsund!
